તીવ્ર ગતિએ લુપ્ત થતી ગુજરાતી ભાષાનું અસ્તિત્વ ટકાવી રાખવાનો નાનકડો પણ ભગીરથ પ્રયાસ. બાળકની કલ્પના શક્તિ વિકસાવવાનો અદ્ભૂત પ્રયોગ.એમને તો આ ખૂબ જ ગમ્યું...!
આપનો આ પ્રયાસ હાલ ના ઈન્ટરનેટ ના સમય માં બાળક નો વાંચન લેખનમાં
રસ જાગૃત કરે છે.
વિજયસિંહ લક્ષ્મણસિંહ આર્ય
અનગઢ ગૃપ પ્રા. શાળા.
વાર્તામેળો ગુજરાતી સાહિત્યને બાળકો સુધી પહોંચાડવાનો અને તેને વધુ આગળ વધારવા માટેનો ખૂબ સરાહનીય પ્રયત્ન છે.
રાવલિયા તતિક્ષા પરબતભાઈ
શ્રી માંડવા પ્રાથમિક શાળા તા. કુતિયાણા જિ. પોરબંદર
વાર્તામેળા દ્વારા ગુજરાતી ભાષાના શિક્ષકો અને દરેક શાળાના વિદ્યાર્થીઓ માટે ઉત્તમ લેખન પ્રવૃત્તિ દ્વારા ઓળખ આપવાનો સુંદર પ્રયાસ છે. વાર્તા મેળા દ્વારા સમગ્ર ગુજરાતની દરેક શાળાઓના બાળકોને પોતાની કલ્પના શક્તિ અને મૌલિકતા વ્યક્ત કરવાનો ઉત્તમ પ્રયાસ છે. વાર્તા મેળા દ્વારા ભાગ લેનાર બાળકને પોતાની વાર્તા પ્રકાશિત થાય તેના માટેનો એક સુંદર નાની વયમાં તક મળે છે. બાળકોની અંદર માતૃભાષા પ્રત્યે આદર અને લેખન ટકાવવાનો ઉત્તમ પ્રયાસ છે, જેના દ્વારા બાળ લેખકોને પારખી શકાય છે.
ભટ્ટ તેજસ્વી ભૌમિકભાઈ
શ્રેયસ ફોઉન્ડેશન, અમદાવાદ
‘વાર્તામેળો’ સ્પર્ધાના આયોજકશ્રી દર્શાબહેન કિકાણી અને રાજેશ ભાઈ કિકાણી નિવૃત હોવા છતાં ઘણાં પ્રવૃત રહીને માતૃભાષાનું ઋણ ચૂકવી રહ્યા છે. ‘વાર્તામેળો’એ અમારા વિદ્યાર્થીઓને ગુજરાતી ભાષાના વાંચન અને લેખનની ઉત્તમ તક આપી અને બાળકોની સર્જનાત્મકતાને વિકસાવવા તરફ એક સફળ કદમ ભર્યું છે. દરેક વિદ્યાર્થી અને શિક્ષકને પોતાના વિચારોસ્વતંત્ર રીતે અભિવ્યક્ત કરવાની એક ઉજળી તક મળી છે.સ્પર્ધામાં ‘દાદા -દાદીની સાથે ચર્ચા વિચારણા કરીને વાર્તા લખવી’ જેવા નિયમ રાખીનેએક તંદુરસ્ત સમાજના વિકાસમાં નોંધનીય ફાળો આપી રહ્યા છે તેમજ બાળકોને આપણી સંસ્કૃતિ સાથે જોડી રાખવાનો સફળ પ્રયાસ નોંધનીય છે. આમ સ્પર્ધામાં ભાગ લેનાર તમામ વિદ્યાર્થીના સર્વાંગી વિકાસમાં ‘વાર્તામેળો’નો અવિસ્મરણીય ફાળો છે.આમ વિદ્યાર્થીની સર્જનાત્મકતાને પ્રોત્સાહિત
કરવા બદલ ધન્યવાદ અને ‘વાર્તામેળો’ના આયોજકશ્રીઓને આવા ઉમદા ભગીરથ કાર્યો કરવા બદલ ખૂબ ખૂબ અભિનંદન.
